శానిటైజర్‌ను ఆల్కహాల్‌ అనుకుని తాగి..

తిరువ‌నంత‌పురం : ఆల్క‌హాల్ అనుకుని శానిటైజ‌ర్ తాగిన ఓ ఖైదీ శుక్ర‌వారం మృతి చెందాడు. ఈ ఘ‌ట‌న కేర‌ళ‌లోని పాల‌క్కాడ్‌లో చోటుచేసుకుంది. రామ‌న్ కుట్టి అనే వ్య‌క్తి ఫిబ్ర‌వ‌రి 18 నుంచి రిమాండ్ ఖైదీగా జైలులో శిక్ష అనుభ‌విస్తున్నాడు. ఈ క్ర‌మంలో గురువారం రామ‌న్ కుట్టి క‌ళ్లు తిరిగి ప‌డిపోవ‌డంతో జైలు అధికారులు అత‌నిని ఆసుప‌త్రిలో చేర్పించారు. దీంతో అస‌లు విష‌యం వెలుగులోకి వ‌చ్చింది. రాష్ట్ర ప్ర‌భుత్వ సూచ‌న‌ల మేర‌కు జైలులో ఖైదీల చేత‌ శానిటైజ‌ర్ తయారు చేయిస్తారు.  ఈ నేప‌థ్యంలో గ‌త గురువారం రామ‌న్ కుట్టి ఆల్క‌హాల్ అనుకొని శానిటైజ‌ర్ తాగుంటాడని జైలు అధికారులు భావిస్తున్నారు. అయితే మంగ‌ళ‌వారం రాత్రి వ‌ర‌కు అత‌ని ఆరోగ్యం సాధార‌ణ స్థితిలోనే ఉంద‌ని, బుధ‌వారం రోల్ కాల్ కోసం కూడా హాజ‌ర‌య్యాడ‌ని పేర్కొన్నారు.